2016年10月24日 星期一

和氣食堂 - 美食差電之旅

工作湊B讀書,3樣野同時進行時,真係都好大壓力!於是約朋友飯聚傾下計Relax下!

當日下雨天,成身濕哂,一坐底侍應姐姐立即端上香濃熱茶,暖笠笠~~

女士食飯通常都鐘意食少少沙律,貪有菜落肚冇咁有罪惡感!呢個温泉玉子牛油果凱撒沙律真心好味!沙律菜好新鮮~~撈埋溫泉玉子同少少芝士粉真係一絕!沙律菜沾上溫泉玉子同埋芝士粉,即時易入口又惹味,對於我呢個食肉獸真係岩哂!

生虎蝦刺身好爽口,加埋新鮮蒜片同少少藻類!口感一流,最欣賞酸甜汁,唔會酸到朋友,味道剛剛好!

芒果同三文魚我都鐘意食,於是試試芒果三文魚加州卷,卷物卷得夠實,唔會一食散哂!面頭飛魚籽脆卜卜,再加少少沙律醬,好味呀! 一次過忍唔住連食2件~~~~

火炙鵝肝三點(三文魚腩、帆立貝、鰻魚)初時好擔心鵝肝會好蘇,不過食落又完全唔會,我冇諗過鵝肝同帆立貝會夾到!重點帆立貝厚身又新鮮,絕不欺場!

串燒都好有誠意,熱辣辣出場!蕃薯一硬落去出煙,又夠哂香甜!鹽燒開邊雞翼燒得夠乾身,做到皮脆肉滑,鹽味剛剛好!抵讚~ 鹽味燒牛舌最有驚喜,厚身之餘,又爽口呀!用鹽燒又食到牛舌本身風味及牛香,推薦呀~~

一見到黑豚肩燒丼有咁多蔥花,就開心到不得了,我超鐘意食蔥~~黑豚肉燒到好香口,洋蔥又脆口,飯軟硬適中!

一片黑豚肩+少少洋蔥絲+飯+燒汁真係好正,配角泡菜辣辣地,撈飯食又係超送飯!停唔到口~~\


和氣食堂
地址: 沙田 河畔花園35號地舖(港鐵沙田圍站 C 出口, 步行約9分鐘)



==========
任何合作試用出席活動
歡迎聯絡LULU,Email:lululittlekitchen@gmail.com
==========
想即時知道 LULU & 卡樂B 動態,請 Like LULU Little Kitchen


其他 LULU Channel
Instagram
親子王國BK Milk作者
MamiBuy 駐站部落客
Cook1Cook食譜分享
Openrince 新晉食家