2017年1月25日星期三

葫蘆館 - 觀塘輕盈午餐首選

有時Lunch 冇咩胃口,諗唔到食咩,麵又食唔落,粥又唔太想食,飯又更加唔想諗~~
如果去Cafe 買沙律、三文治加杯咖啡又唔平!
漫冇目的行行下,無意間發現左呢一間小店,有甜品有飛碟食,夠哂輕盈。

Order左薑汁撞奶 + 芝士鹹牛飛碟 ,$34 落到樓,平靚正。

薑汁撞奶幾有料到,無蒸、焗、燉,即叫即撞。

每一啖薑味不斷湧完,辣辣地。口感相當順滑。
係呢個略有寒意的冬天Lunch,食完暖粒粒,驅走寒氣。

芝士鹹牛又係即叫即整,幾有誠意。


麵包烘到脆卜卜,入面餡料熱辣辣。
如果芝士比例多返少少,做到少少拉絲效果,咁就完美啦。^_^

太爺雞 - 難得食到好味「梅菜扣肉」


星期五我又遲收工,肚又餓,貼心老公就過黎觀塘搵我食晚飯,之後一齊接乖囡囡返屋企。

細個時,唔太鐘意食梅菜扣肉,不過人大個,口味轉變左,變得越黎越鐘意食。
梅菜扣肉看似平實,不過其實要整係相當考功夫!


呢間整得好出色!五花腩油脂分佈剛好,不會太乾柴,不會太油膩,煮得好入味,肉質鬆化,入口即溶,口感QQ 軟糯 ,配梅菜食相當香甜,一口肉一口梅菜一口飯,絕配!眨下眼食碗飯食哂。

黎太爺雞食飯,無理由唔點太爺雞。雞皮色水好靚,好有光澤,而雞肉好滑,唔錯!

太爺豬手不得了,涼浸浸上碟,汁料蒜味爆濃,花椒味香,帶酸帶辣,好開胃的一道小食!

再者豬手皮爽口彈牙,筋位Q彈,老公食到停唔到口,爭D冇得食。hahahaha!

最後重頭戲,點左12頭南非乾鮑扣鵝掌海蔘開心下。

海蔘爽脆有營養,鵝掌腍滑入味,鮑魚都算好大隻。
============
太爺雞
觀塘成業街15-17號成運工業大廈1樓15室

2017年1月23日星期一

閏蜜生日小驚喜

上星期閏蜜生日,為她預備了一點小驚喜,到樂園用餐慶祝。




















一坐底,就見到桌上預備了小糖果,一點小小心意,足以令人好窩心 ^_^

























我點了特濃金莎朱古力雪冰,超巨型!足足可以分到2杯,朱古力味濃,沙冰都幾幼滑。
























朋友點了杯榛子朱古力,佢覺得難得唔會太甜。

























點了廚師發板,共有8樣食物,擺盤相當精緻,好喜歡用了鮮花伴碟。
小插曲︰本想寫朋友生日祝福語,不過佢好靜雞雞同餐廳改Message,話想多謝我成日煮飯俾佢食,感動之餘又有D激氣,明明佢先係主角。




















本身對鵝肝不太有好感,不過今次食又OK! 多士好香脆,鵝肝入口即溶,好creamy!重點冇太多騷味。




















大蝦好香,夠爽口!肉質爽身唔會霉。



















安格斯牛柳香味足,食得出冇落鬆肉粉,油脂分佈剛剛好,唔會鞋口。
再加點炸蒜點綴,真係唔錯。



















大大粒煎帶子配上牛油檸檬汁,好醒神,好Juicy!



















沙律爽口新鮮,配少少芝麻醬開胃健康!煙三文魚滿滿煙熏的香味,口感嫩滑,都算幾厚,脂肪少,用料幾好!螺肉鮮甜、爽脆、彈牙,好驚喜。
























閏蜜最鐘意食雪糕,於是就準備左怪獸雪糕慶祝,超級超級大杯,滿足佢一整年食雪糕的欲望,內含芒果、曲奇、朱古力及士多啤梨味 ,底部舖滿可可脆卜卜,最開心加左勁多cream 配襯,食完之後好滿足及SWEET!!
-----------------
樂園 HappyLans
尖沙咀北京道65-69號環球商業大廈2樓205-06室

2017年1月20日星期五

卡樂B成為故事書主角︰The Power of Name

卡樂B成為故事書主角︰The Power of Name

早前收到媽媽Group 分享,「夢想創意」免費贈閱個人化中文圖書—分享愛活動,收到圖書後覺得好特別,一家人包括我、爸爸及卡樂B 成為圖書內主角,很有紀念價值。
LULU 亦非常欣賞創辦人林曉鋒博士無私奉獻之精神,為香港注入愛,增添一份溫暖。
** 贈閱現正進行,各位爸媽可以Click以下LINK登記**

之後細心瀏覽「夢想創意」網站,發現個人化圖書原來還有英文版本 The Power of Name”,雖然知道卡樂B還是寶寶,未有能力閱讀圖書,不過我還是心急地訂閱了。


選擇好故事主角頭像、輸入孩子姓名及付款後,大約一星期左右收到圖書,比想像中快好多。
包裝相當精美,紙盒上印了卡樂B的英文姓名,SO SWEET!

包裝內有:
* 英文個人化圖書 The Power of Name”
* FUN BOOK
* 親子手冊
* 貼紙
* 書籤

The Power of Name”故事大鋼
卡樂B為主角,講述孩子在街上偶遇一雙魔法手環,手環刻印了孩子獨特的名字。透過實踐名字上的訊息,孩子將會學得一種獨有的正面價值觀。當孩子成功實踐所有名字後,將會透過個人的力量解決日常難題,獲得成長。
當我拆封故事書時,卡樂B都被吸引,爬向我身邊,嘗試摸摸故事書。
難得卡樂B願意聽我說故事,爸爸馬上為我們拍照片留念。

雖然共讀時間大約維持了5分鐘,卡樂B就被其他玩具吸引,繼續開心玩。
不過作為媽媽,我是非常開心,因為卡樂B終於零的突破,願意坐下來,聆聽我說故事。

LULU 讀後感

一本好讀物,是親子共讀不可或缺的重要元素。此書畫風可愛,增添閱讀樂趣。
故事通過不同的事件,教導孩子正面價值觀及生活技能,灌輸熱心助人、勇敢、堅毅、感恩等美德,引導孩子正面成長。當中利用孩子英文名字作為故事主軸,提升孩子閱讀興趣,從中學習英文新詞彙。

訂閱The Power of Namehttp://bit.ly/2j1hFbl
訂閱其他好書︰http://www.name-story.com/

*凡於即日起至2月11日內訂書,即送快高長大個人化度高表 ^^
==========
任何合作試用出席活動
歡迎聯絡LULU,Email:lululittlekitchen@gmail.com
==========
想即時知道 LULU & 卡樂B 動態,請 Like LULU Little Kitchen

其他 LULU Channel: 
Instagram
親子王國 BK Milk 作者
MamiBuy駐站部落客
Cook1Cook食譜分享
Openrice 新晉食家

2017年1月10日星期二

卡樂B加固曙光 - 婆婆愛心秘製粥 [8M]

卡樂B加固曙光 - 婆婆愛心秘製粥 [8M]




其實由6個月開始,卡樂B加固進度一直麻麻地!
好多時食2啖就不耐煩,大叫、踢腳、扭腰樣樣齊,嘗試過蛋黃、南瓜、紅蘿蔔、三文魚等組合,都不太成功吸引卡樂B愛上固體食物 T.T

上星期,婆婆說服我放手,讓她嘗試用她的方法炮製愛心,沒想到卡樂B 非常喜歡,而且第一次願意乖乖坐著吃,第一次追著要吃!




















婆婆愛心秘製粥材料非常簡單




















白菜: 8 棵左右
米: 半杯 (米量杯)
瘦肉: 400g
薑片: 2片

做法
1. 白米洗凈後備用
2. 白菜洗凈後切碎
3, 將瘦肉加薑片飛水備用
4. 將洗凈後瘦肉、米放入窩中,並加入水 (婆婆溫提: 蓋過米之餘再高4 - 5cm 左右)
5. 開中火將粥水煮滾後,轉細火煲10分鐘後熄火,再炆大約10分鐘 (重複2-3次左右)
6. 加入已切碎的白菜放入粥中,再以中火將粥煮滾就完成
---------------
題外話:
卡樂B喜歡吃,我也忍不住試試是什麼味道。
一吃下去,味道是那麼的熟悉,是我小時候經常吃到的味道。
那時候,腦內不斷想起小時候的與媽媽開心的回憶,好感動 T.T
-------------
歡迎聯絡 LULU &卡樂B 參加產品試用和活動:

想即時知道 LULU & 卡樂B 動態,請 Like LULU Little Kitchen


其他 LULU Channel: 
Instagram
親子王國 BK Milk 作者
MamiBuy駐站部落客
Cook1Cook食譜分享
Openrice 新晉食家

2017年1月9日星期一

Happy Friday - 雞煲夜

Happy Friday - 雞煲夜

喜歡食辣的人,會寂寞,因為少人陪食 >.<
喜歡食好辣的人,會孤獨,因為更少人陪食 T.T
今天晚上,幸好有老公願意頂硬上,陪我食辣辣雞煲~~
咁我都識做,叫左中辣 - 半隻雞,等大家都食到! HEHEHEHHHE....






































































雞煲一上桌,店員即時再兜一兜,WOW!! 香氣逼人,麻辣香味出哂黎,流哂口水!
雞件夠嫩滑,沾滿麻辣汁,好惹味。
麻辣不得了!係口腔慢慢擴散,久久未散,強而有勁,越食越辣,好過癮~
食食下,老公話真係幾辣,就order椰汁冰解解辣!我就順便order杯檸檬茶!


























飲品真係大大杯,同我個頭一樣咁大~~hahahahaha!!




















2個人好快清哂半隻雞,咁就開始打邊爐時間~~
加左湯之後,仍然好夠味,所以不用另加調味料!

























打邊爐配料好有誠意。估唔到響鈴即叫即炸~~
響鈴真心好味,目測疑似超過18層,就咁食已經好有風味,Chok chok聲,脆到不得了!
放湯碌一碌,又好吸辣湯,食到出哂汗!

真係好有衝動外賣返屋企宵夜再食~~






















海鮮芝士豆腐 櫻花蝦片都係熱辣辣上,就咁食都已經OK!
海鮮芝士豆腐味道好似魚腐,都幾彈牙,hehehee,不過如果芝士再多D就好,依家略嫌唔夠喉。櫻花蝦片好爽口,又夠脆卜卜。







































美國雪花肥牛不錯,雪花分佈均勻,厚薄適中。




















食左咁多肉類,叫左鮮淮山/萵荀/白蘿蔔中和下。
最驚喜淮山同雞煲會咁夾,碌完口感好似薯仔咁爽口,多一份清新。
白蘿蔔鮮甜,萵荀回甘,都不錯!




















最後,用我最愛的紅薯粉作總結,食盡雞煲麻辣精華。

2017年1月6日星期五

馬鞍山深夜食堂 - 新創發鋸扒記

馬鞍山深夜食堂新創發鋸扒記


昨日肚餓到極點,踏入新創發之時,突然想起深夜食堂之故事。




















雖然新創發,無論菜式、格局及人物都與深夜食堂風馬牛不相及,不過當你深夜入到去,又有粉麵、又有小菜、仲有扒餐,應有盡有,就好似深夜食堂,客人可以點老闆懂得製作的食物,咩都有得食,胃得滿足。





















點了鐵板鑊仔牛柳餐,好快就有碗羅宋湯飲。
一飲落去就覺得好咸,即時加一茶匙糖中和咸味!救返碗湯。




















鐵板鑊仔牛柳餐
鐵板餐一上桌最興奮係聽到ZA..ZA 聲,汁料係鐵板上翻滾。
呢隻份量足,有薯菜之餘,仲跟多碟白飯。



















牛柳目測有一寸厚,5,6成熟剛剛好,肉質好嫩滑,又幾JUICY!! 可惜牛味不足。




















凍檸茶
檸茶正正常常,茶味突出之餘不帶苦澀味,不錯不錯!

總括而言,以馬鞍山深夜仲有得鋸扒,又唔貴,又足料的情況下,我覺得已經冇得輸。
----------------------

新創發餐廳
馬鞍山鞍祿街18號新港城中心三期N座7-9號舖地下