【親子玩樂】馬鞍山 FunZone 玩樂設施選擇多 卡樂B盡情放電

卡樂B精力充沛，就像猴子一樣，
最喜歡跑跑跳跳，有時都會帶卡樂B到馬鞍山 FunZone 放放電！
一來近屋企，二來玩樂設施選擇多，
三來佔地超過5000呎，地方頗大～

卡樂B對波波池情有獨鐘，上幾個月前到FunZone時，
都是第一時間跳入波波池。

今次都不例外，一切由波波池開始

不斷執波波到籃中，又不斷將籃中的波波放回波波池內～

波波場內設有投籃圈圈，LULU同卡樂B都挑戰失敗，

未能成功零的突破！

相反，場內的小朋友都好厲害，

近乎百發百中～～

之後，卡樂B想試下揸車～

場內款式及數目都算多！

呢張相感受到卡樂B對自己的駕車技術相當有自信呀！

WoW！前面有好多車，要緊急剎車先～

馬鞍山 FunZone 有一個兩層高遊戲區！

內有多個關卡，相當考小朋友手腳協調能力！

卡樂B功架十足，對於小關卡完全沒有懼怕！

相當勇敢接受挑戰呀！

卡樂B手指指，想表達什麼呢？

原來卡樂B發現只要將波波放入內，

波波就會飄於高處～～～

地面互動鋼琴，一踩上去，就有聲響發出～

卡樂B來來回回行了幾次，表現得非常開心～

看見一班哥哥姐姐在彈床上玩得好開心，

卡樂B都急不及待試試跳彈一番～

當然，瀡滑梯的時間不能少呀！

卡樂B暫時未能挑戰這條長滑梯，再等她大一點再作嘗試！

卡樂B發現有小屋，去一探究竟先！

場內特設幼兒天地，讓兩歲以下幼兒享樂

玩具的種類都頗多，

相信小朋友都玩得滿足～

FunZone  馬鞍山店

地址：馬鞍山鞍駿街15號雅濤居購物商場1樓4至12號舖 

週一至四：10am – 7pm

週五至日及公眾假期：10am – 8pm

Website：http://www.funzone.com.hk/

Facebook：https://www.facebook.com/maonshanfunzone/

感謝品牌提供玩樂機會，以上分享全屬個人感受 ^_^

＝＝＝＝＝＝＝＝＝＝
任何 合作試用／邀稿／出席活動／主持

歡迎聯絡LULU，Email：lululittlekitchen@gmail.com

＝＝＝＝＝＝＝＝＝＝
想即時知道 LULU & 卡樂B 動態，
請 Like Facebook LULU Little Kitchen 新手媽媽


♫LULU Channel♫
個人網站 ︱Instagram︱Facebook
親子王國BK Milk作者︱MamiBuy 駐站部落客︱媽媽經駐站作家
PressLogic - Mami親子日常 ︱Mybb.com︱ESDlife
Cook1Cook食譜分享︱點煮網︱Chef Diary
Openrince 新晉食家 ︱Poortravellers窮遊香港駐場博客︱UBlog
Beauty Exchange CERTIFIED BLOGGER︱亞洲時文社 Blogger
She.com︱talk@Cosmo

CJ Cafe: 考試加油站

上星期面臨韓文Oral 考試，加上有些家事需處理，心情真係好緊張。

於是到屋企附近 CJ Cafe 食好東西，點左個漢堡  + 湯 + 飲品 + 甜品，補充能量，再上路考試。

Cafe 比想像中大，我初時以為得2-3個位。環境都幾舒服，有自然火透入餐廳，用餐時心情都開朗D，睇黎下次約多幾個朋友都冇問題啦！

忌廉蘑菇湯

味道比較清淡，蘑菇量算多，如果口感可以做得濃厚少少就好啦。

黑松露芝士牛肉漢堡 配 薯條

真心想講岩岩炸出黎嘅粗薯，外脆內軟，表面有少少鹽花增添風味，幾時都咁吸引！
我有少少估唔到漢堡會選用牛角包，都真係好驚喜。
漢堡目測都有寸厚，多汁鬆軟，唔錯！
入面配上酸瓜、蕃茄、生菜，令成個包冇咁heavy!
特別想講酸瓜夠酸夠脆，好醒胃！

藍蝶水晶西柚特飲

一直都想飲有關於藍蝶系列嘅飲品，印象中馬鞍山只有呢度先有。
特飲紫色漸變真係好靚，加入西柚汁酸酸地，好清新。

法式焦糖燉蛋

呢個甜品外冷內熱，蛋味濃郁，入面燉蛋口感好順滑，加埋上面脆卜卜焦糖，真係好滿足。

---------------------------
CJ Cafe
馬鞍山鞍駿街33號馬鞍山游泳池餐廳

三哥廚房飯後感

放工相約母親大人共進晚餐，今次選擇到屋企附近新開的上海餐館用膳 - 「三哥廚房‧擔擔麵‧菜飯專門店」。約七點左右抵達，餐館已滿座，相當受歡迎呢 ^_^

幸好，等了十五分鐘左右，就獲安排入座！先看看餐牌，素食選擇偏少，以麵食飯類為主。

既然餐館自稱菜飯專門店，就柯打了一客三哥排骨菜飯配鎮江汁，嘗試一下店裡的招牌菜。

賣相不俗，鎮江汁香味剛剛好，酸味不會太刺鼻。

排骨外脆內軟，配合鎮江汁品嘗，令排骨的味道更豐富。

菜飯質素不錯，味道清新可口！

不過還是覺得母親所料理的菜飯比軟對味，或許，這也說明「媽媽料理」在孩子心中，有獨一無二的魅力！

接著再來一客菜肉雲吞，湯底比較偏向正宗上海人的做法！
菜肉雲吞內餡的肉相當札實，皮亦有一定的厚度。

吃下去欠缺一點順滑的感覺，有點兒可惜！

吃過兩道主食，來一客拍青瓜冰凍刺激下！

青瓜相當入味，酸酸甜甜的感覺，讓味蕾非常過癮！

總體而言，食物味道不錯，期待下次再光顧，品嚐另一招牌菜 – 擔擔麵~~