2017年2月7日星期二

三多︰炸肶 Vs 滷水肶

後知後覺嘅我,上星期先知觀塘開左三多,於是我就好瘋狂連食2日。

DAY 1:炸肶配意粉

WOW…炸肶好巨型,有成個手掌咁大!

即叫即炸,夠哂新鮮,堅脆口!一咬落去係有za za 聲!
而炸粉厚度剛剛好,唔會多粉到叫救命。
雞肉肉質好嫩滑,好Juicy,一咬落去有少少雞油滲出,好食到不得了!
意粉係好有驚喜,初時我以為白烚冇味意粉,點知竟然係舊式茶餐廳茄汁意,相對比較甜。
呢個組合令我回想起,以前細個我老豆一放假,我鐘意叫炸肶茄汁意俾我食 T.T

DAY 2:  滷水肶配飯

諗住第一日食左炸肶,如果第二日再食一定好熱氣,咁就叫個滷水肶啦!

一上碟滷水肶又係好巨型,同樣有成個手掌咁大。
呢個滷水肶真係好出色,成隻肶色水好靚,雞皮滿有光澤。
而且呢隻滷水肶熱上之餘,仲可以保留到鮮嫩肉質,睇黎火喉真係控制得幾好。
一口飯一口肉,唔夠15分鐘,我就食哂成碟飯。
證明係好味 ^_^

如果你問我,我覺得三多滷水肶 比 炸肶更出色,有一種薑越老越辣FEEL!

========
三多
觀塘聯安街9號B地舖




沒有留言:

發佈留言