LULU食譜 - 甜蜜晚餐 - 焗洋蔥湯

LULU食譜 - 甜蜜晚餐 - 焗洋蔥湯

洋蔥湯是我與丹尼仔喜歡的湯品之一

晚餐煮PASTA配洋蔥湯，相當溫馨甜蜜呢！

這次選用雞湯底，雖然顏色比較淡，不過完成沒有影響味道！

材料

中型洋蔥 3個

無鹽牛油 20g

鹽  半茶匙

低筋麵粉 2湯匙

雞湯  500ml

水 500ml

白酒 150ml

月桂葉 2 – 3塊

香草  1茶匙

法式麵包 2塊

芝士絲  適量

做法

1.        先將洋蔥切絲

2.        開細火，將無鹽牛油放入湯煲中, 加入洋蔥絲及鹽拌炒至焦糖化

3.        拌炒15分鐘左右，洋蔥絲開始變軟

4.        拌炒45分鐘左右，洋蔥絲成透明狀及焦糖化，此時可加入麵粉炒出麵香

5.        加入雞湯、水、白酒、月桂葉及香草，開大火煮滾後，就轉小火煮一小時左右

6.        預熱焗爐200度

7.        將煮好的湯放入碗中，並加法式麵包及芝士絲，放入焗爐焗8 - 10分鐘就完成

===============================================================================

l  可以選用牛湯底，顏色會比較深

l  洋蔥切好後放入冰格，有助破壞洋蔥組織，縮短炒洋蔥時間

l  想濃稠，可選擇多放一湯匙低筋麵粉

LULU食譜 - 蜂蜜流心凹蛋糕

材料

蛋黃 3個

全蛋 1個

糖 20g

蜜糖 1湯匙

低筋麵粉 20g

雲利拿油 2滴 [可不加]

做法

1.       將蛋黃、全蛋、糖、蜜糖及雲利拿油放入大盤中

2.       將打蛋器開低速，將材料攪勻

3.       準備另一大盤加入溫水，幫助打發蛋糊

4.       打蛋器開高速打發蛋醬，需將8分鐘左右，蛋糊可畫8字，並不消失就OK!

5.       篩入麵粉，輕輕拌勻

6.       預熱焗爐170度，將蛋糊放入6吋圓膜，焗16分鐘

7.     蛋糕出爐時脹脹地

  

8. 5分鐘後，蛋糕就開始凹啦~~成功!!

與母親大人下午茶

我一直也有進修韓文，原因並不是喜愛韓星，而是覺得韓文好像普通話拼音，

所以好想學好！亦都覺得比較大機會學好！

因為早前經歷完轉工加搬屋後，完全時間分配失衡，所以就暫停學韓文一段日子！

依家暫時都安頓好，所以就下定決心再上路，希望在30歲前可以用韓文作基本溝通。

上星期六去了HKU SPACE 報名後， 就相約母親大人下午茶嘆TEA，談談心！

大部份處於德福花園的食肆都非常旺場，為了令母親大人可以盡快就座，所以最後就選擇Delifrance享用TEA！

Tea set 都有不少選擇，有三文治、意粉、酥點及拼盤

我與母親 Order 了一客2人下午茶餐。當中包括

迷你車厘茄火腿芝士Pizza

-          餅底不脆，大大扣分，火腿配芝士味道不錯！

迷你火腿芝士餡餅

-          味道正常，可接受！

珍寶腸

-          不出事食物之一，味道正常！

蜜桃tart

-          甜度適中，個tart底都幾香，入面的吉士醬香滑，蜜桃有好爽口，呢個食完好滿足！

法式小蛋糕

-          太甜，口感亦比較硬！如果可以鬆軟少少會比軟好！

套餐配2杯飲品

Order 凍檸水 + 熱檸水，味道正常，檸檬量都不少！

總括用餐環境不錯，店員服務態度正面，特別收銀哥哥，講解清晰，笑容真摰 ^_^

LULU食譜 - 滑溜溜豆腐布甸

滑溜溜豆腐布甸

口感清新QQ~~係炎熱的夏天品嘗，真係好爽~~

而且豆腐亦有豐富的大豆蛋白，亦含有維生素E，有防衰老的功效。

材料
蒸煮滑豆腐 1小盒 
淡忌廉 100ml 
牛奶 250ml
糖 1湯匙 
魚膠粉 1湯匙 
水 3湯匙 

做法 
1. 將豆腐用攪拌器打碎 
2. 將牛奶及淡忌廉加入小窩中，開細火加熱 
3. 用熱水拌勻魚膠粉後，倒入小窩中攪勻 
4. 將攪好的豆腐加入小窩中拌勻，製成豆腐布甸汁
5. 將豆腐布甸汁倒入器皿中，其間需用篩幫手隔豆腐渣，使布甸口感順滑 
6. 放入雪櫃雪2小時左右就可享用

希望大家都製作成功^_^ Yeah

LULU食譜 - 萬能topping ^^ 自家製忌廉焦糖醬

萬能topping ^^ 自家製忌廉焦糖醬

加係咖啡~奶茶~牛奶~布甸~雪糕~都得!!

大家可以試下整，放係家看門口都唔錯ga (≧∇≦)

材料

淡忌廉  100ml

糖 100g

水 50 ml

做法

1.       將淡忌廉倒入小窩內，用小火加熱

2.       將水及糖加入小窩內，開小火煮成焦糖，期間不需要攪拌

3.       焦糖變成咖啡色後，可慢慢將淡忌廉倒入焦糖中

·         要非常小心，因為好熱

三哥廚房飯後感

放工相約母親大人共進晚餐，今次選擇到屋企附近新開的上海餐館用膳 - 「三哥廚房‧擔擔麵‧菜飯專門店」。約七點左右抵達，餐館已滿座，相當受歡迎呢 ^_^

幸好，等了十五分鐘左右，就獲安排入座！先看看餐牌，素食選擇偏少，以麵食飯類為主。

既然餐館自稱菜飯專門店，就柯打了一客三哥排骨菜飯配鎮江汁，嘗試一下店裡的招牌菜。

賣相不俗，鎮江汁香味剛剛好，酸味不會太刺鼻。

排骨外脆內軟，配合鎮江汁品嘗，令排骨的味道更豐富。

菜飯質素不錯，味道清新可口！

不過還是覺得母親所料理的菜飯比軟對味，或許，這也說明「媽媽料理」在孩子心中，有獨一無二的魅力！

接著再來一客菜肉雲吞，湯底比較偏向正宗上海人的做法！
菜肉雲吞內餡的肉相當札實，皮亦有一定的厚度。

吃下去欠缺一點順滑的感覺，有點兒可惜！

吃過兩道主食，來一客拍青瓜冰凍刺激下！

青瓜相當入味，酸酸甜甜的感覺，讓味蕾非常過癮！

總體而言，食物味道不錯，期待下次再光顧，品嚐另一招牌菜 – 擔擔麵~~

LULU食譜 - 方包都整到「鮮奶蛋撻 」?!

方包底鮮奶蛋撻
屋企食剩左方包，唔想浪費，用左黎焗蛋撻，滑溜的蛋漿，脆脆的邊皮，口感豐富，Yummy Yummy(≧∇≦)

材料
方包 2 塊 
蛋 1隻 
糖 1湯匙
牛奶 100ml

做法
1. 準備cupcake 盤及杯，預熱焗爐200度
2. 將牛奶~蛋~糖~打發均勻，製成鮮奶蛋汁
3.拿一個飯碗輕壓方包上，沿邊圓型
4.將圓型方包放在cupcake盤中，用細杯輕壓成型，倒入鮮奶蛋汁
5.放入焗燈爐焗10分鐘取出
6.部份蛋汁會被吸收，所以再次倒入鮮奶蛋汁，放入焗爐焗多10分鐘

小貼士:
壓麵包成形時唔好太大力，唔係就會整穿麵包